विश्वभर कोरोना भाइरसको संक्रमण दिनप्रतिदिन बढ्दै गइरहेको छ।
बुधबारमात्रै थप २ लाख ७८ हजार ९ सय २ जना नयाँ संक्रमित थपिएका छन् भने ७ हजार १ सय १७ जनाको मृत्यु भएको छ।
संक्रमितमध्ये सबैभन्दा बढी अमेरिकामा थपिएका छन् त्यसपछि ब्राजिलमा धेरै संक्रमित थपिएका छन्।
अमेरिकामा चौबिस घण्टामा ७१ हजार ५ सय १ जना नयाँ संक्रमित थपिएका छन् भने १ हजार २ सय १३ जनाको मृत्यु भएको छ।
योसँगै अमेरिकामा कोरोना भाइरसका कारण ज्यान गुमाउनेको संख्या १ लाख ४६ हजार १ सय ४२ पुगेको छ भने ४१ लाख ७० जना संक्रमित छन्।
अमेरिकी राष्ट्रपति डोनाल्ड ट्रम्पले बुधबार कोरोना भाइरस समाप्त हुनुअघि झन् भयावह हुनसक्ने बताएका थिए।
ब्राजिलमा एकदिनमा कोरोनाका कारण १ हजार २ सय ९३ जनाको ज्यान गएको छ भने ६५ हजार ३ सय ३९ जनाक नयाँ संक्रमित भेटिएका छन्।
ब्राजिलमा बिहीबार बिहानसम्म भाइरसका कारण ८२ हजार ८ सय ९० जनाको मृत्यु भइकेको छ भने २२ लाख ३१ हजार ८ सय ७१ जनामा संक्रमण रहेको पाइएको छ।
कोरोना भाइरस प्रभावित मुलुकको तेस्रो नम्बरमा रहेको भारतमा बितेको चौबिस घण्टामा १ हजार १ सय २० जनाको मृत्यु भएको छ भने ४५ हजार ५ सय ९९ जना नयाँ संक्रमित थपिएका छन्।
भारतमा कोरोनाका कारण ज्यान गुमाउनेको संख्या २९हजार ८ सय ९० पुगेको छ भने १२ लाख ३९ हजार ६ सय ८४ जनामा संक्रमण देखिएको छ।
भारतमा रहेका संक्रमितमध्ये ७ लाख ८४ हजार २ सय ६६ जना जना निको भएका छन् भने ८ हजार ९ सय ४४ जनाको स्वास्थ्य अवस्था खराब रहेको छ।
भारतपछि कोरोना भाइरसका कारण सबैभन्दा धेरै मृत्यु मेक्सिकोमा भएको छ।
बितेका चौबिस घण्टामा मेक्सिकोमा कोरोनाका कारण ९ सय १५ जनाको ज्यान गएको छ भने ६ हजार ८ सय ५९ जना नयाँ संक्रमित थपिएका छन्।
मेक्सिकोमा हालसम्म भाइरसका कारण मृत्यु हुनेको संख्या ४० हजार ४ सय पुगेको छ भने ३ लाख ५६ हजजार २ सय ५छ जना संक्रमित छन्।
दक्षिण अफ्रिकामा एकदिनमा ५ सय ७२ जनाको ज्यान गएको छ भने १३ हजार १ सय ५० जना संक्रमित थपिएका छन्। दक्षिण अफ्रिकामा भाइरसबाट ज्यान गुमाउनेको संख्या ५ हजार ९ सय ४० पुगेको छ भने संक्रमितको संख्या ३ लाख ९४ हजार ९ सय ४८ रहेको छ।
त्यस्तै इरानमा एकदिनमा २ सय १९ जनामो भाइरसका कारण मृत्यु भएको छ भने २ हजार ५ सय ८६ नयाँ संक्रमित थपिएका छन्।
इरानमा हालसम्म भाइरसबाट १४ हजार ८ सय ५३ जनाको मृत्यु भएको छ भने २ लाख ८१ हजार ४ सयढ १३ जना संक्रमित छन्।
रुसमा एकदिनमा १ सय ६५ जनामो ज्यान गएको छ भने ५ हजार ८ सय ६२ जना नयाँ संक्रमित थपिएका छन्। रुसमा अहिलेसम्म ज्यान गुमाउनेको संख्या १२ हजार ७ सय ४५ पुगेको छ भने संक्रमितको संख्या ७ लाख ८९ हजार १ सय ९० जान छ।
कोरोना भाइरसका कारण विश्वभर ६लाख २९ हजार २ सय ९८ जनाको मृत्यु भएको छ भने १ करोड ५३ लाख ६४ हजार १ सय २० जना संक्रमित छन्। संक्रमितमध्ये ९३ लाख ४३ हजार ७ सय १५ जना निको भइसकेका छन्।
