जिवन मल्ल /कालिकोट/ नेपाली काँग्रस परित्यगा गरी जिल्लाको खाँडाचक्र नगरपालिका–८ मा १५ जना युवाहरु नेपाल कम्यूनिस्ट पार्टी (नेकपा) मा प्रवेश गरेका छन् ।
बिजया दशमी २०७७ को अवसरमा नेकपा खाँडाचक्र नगर कमिटिद्धारा शुक्रबार आयोजित शुभकामना आदान प्रदान कार्यक्रममा काग्रेस पार्टी,तरुणदल,नेबिसंका जिल्ला सदस्यहरुले नेकपामा प्रवेश गरेका हुन ।
प्रवेश गर्नेहरुमा काँग्रेसका युवा नेताहरु खगेन्द्र मल्ल,जिबन मल्ल,कल्पना मल्ल,भिमप्रसाद चौलागाँई,लंक चौलागाई,कबिन्द्र चौलागाँई लगाएत १५ जना युवा नेताहरुले नेकपामा प्रवेश गरेको खाँडाचक्र नपा ८ का वडा कमिटि अध्यक्ष हंशबहादुर मल्लले जानकारी गराउनु भएको छ ।
नेकपा खाँडाचक्र नगर अध्यक्ष तुलाराज मल्लकोे अध्यक्षतामा सम्पन्न कार्यक्रममा प्रमुख अतिथि (नेकपा) कालिकोटका अध्यक्ष धनजित शाही “आर्दश” विशेष अतिथि प्रतिनिधिसभा सदस्य दुर्गबहादुर रावत,प्रदेश कमिटी सदस्य एवम नगर इन्चार्ज गंगा खड्का बोगटी, प्रदेश कमिटि सदस्य लोकप्रिय नेता लक्ष्मीप्रसाद चौलागाँई रहनु भएको थियो ।
कार्यक्रममा पार्टी जिल्ला कमिटि सदस्य कलबहादुर मल्ल,प्रभानन्द आचार्य,बलिराज नेपाली,अनेरास्ववियु जिल्ला अध्यक्ष मनसिंह शाही लगाएतको उपस्थिति रहेको थियो ।