प्रहरी स्कर्टिङमा काठमाडौं आउँदै विप्लव

डिल्लीप्रसाद चौलागाईं   ।   २०७७ फाल्गुन २१, शुक्रबार ११:४९

२१ फागुन,। शान्ति प्रक्रियामा आउने सहमतिसँगै पूर्वी नवलपरासीको अमरापुरीमा सार्वजनिक भएका नेकपा महासचिव नेत्रविक्रम चन्द (विप्लव) आज दिउँसो काठमाडौं आउँदैछन् ।
उनी कसैलाई थाहा नदिइकन काठमाडौं आउने तयारीमा रहे पनि प्रहरीले सूचना पाएपछि नारायणगढबाट स्कर्टिङ गरिएको छ ।

विप्लव पश्चिम नेपालबाट गएराति पूर्वी नवलपरासीको अमरापुरीस्थित बेलबहादुर सारुको घरमा आएर बास बसेका थिए । विप्लव विगतदेखि नै बेलबहादुरको घरमा बस्ने, नेताहरुसँग वार्ता गर्ने गर्दथे ।

उनी अमरापुरीका शहिद परिवारहरुलाई भेटघाट गरी शुक्रबार बिहानै काठमाडौंका लागि प्रस्थान गरे । ‘गोप्य रुपमा कसैलाई थाहा नदिई काठमाडौं जाने भन्ने तयारी थियो, तर प्रहरीले थाहा पाएर नारायणगढबाट स्कर्टिङ गरेको छ,’ विप्लव समूह निकट स्रोतले भन्यो । यद्यपि चितवन प्रहरी भने स्कर्टिङबारे खुल्न चाहेको छैन ।

करिब तीन वर्ष भूमिगत भएका विप्लव आज दिउँसो दुई बजे राष्ट्रिय सभागृहमा सार्वजनिक हुँदैछन् । प्रधानमन्त्री केपी शर्मा ओलीसँगै उनले सभागृहमा आयोजित समारोहलाई सम्बोधन गर्ने कार्यक्रम छ । सोही समारोहमा सरकारसँग भएको सहमति पत्रमा विप्लवले हस्ताक्षर गर्ने छन् ।

सरकारसँगको वार्तामा विप्लव समूह शान्तिपूर्ण राजनीतिमा आउन सहमत भएको छ । साथै सरकारले सो समूहमाथि लगाएको प्रतिबन्ध हटाएको छ भने पक्राउ परेका नेता कार्यकर्ताहरुलाई रिहाइको प्रक्रिया अघि बढाएको छ ।

 

Leave a Reply

Your email address will not be published. Required fields are marked *

Next Post

कालिकोटमा नेकपा विप्लव समुहकाे पत्रकार सम्मेलन

२०७७ फाल्गुन २१, शुक्रबार ११:४९
कालिकोट । २४ फागुन सरकारले विप्लव नेतृत्वको नेकपा माथि लगाएको प्रतिवन्ध औपचारिक रुपमा फागुन २१ गते फुकुवा गरेपछि सदरमुकाम मान्ममा नेकपाले आफ्ना राजनीतिक गतिविधि वढाएको छ । आईतवार नेकपाले सदरमुकाम मान्ममा पत्रकार सम्मेलन समेत गरि आफ्नो पार्टी जनताको एजेण्डामा कुनै पनि हालतमा नझुक्ने वताएको छ । नेकपाका जिल्ला इन्चार्ज रणदिप […]

सम्बन्धित समाचार

Social menu is not set. You need to create menu and assign it to Social Menu on Menu Settings.