कालिकोट जिल्ला महावै गाउँपालिकामा नागरिक समाजको गठन गरिएको छ । महावै – १ निवासी चन्द्रबहादुर शाहीको संयोजकत्वमा नौ सदसीय नागरिक समाज गठन गरिएको हो । महावै गाउँपालिका निवासी नागरिक अगुवाहरुको हालै भएको भेलाले शाही संयोजक रहेको गाउँपालिका स्तरिए नागरिक समाज चयन भएको छ । नागरिक समाज कालिकोटका संयोजक कालीबहादुर मल्लको विशेष उपस्थितिमा सम्पन्न भेलाले महावैका सबै वडाबाट प्रतिनिधित्व रहने गरी जर्मकला सिंह सह संयोजक र गमा कुमारी शाही सचिव लगाएतका पदाधिकारी रहेको नागरिक समाज गठन गरेको वताइएको छ । नागरिक समाज महावैको टोलीले स्थानीय स्तरमा नागरिकहरुको न्याय,सुशासन र अधिकारको पक्षमा आवाज उठाउने संयोजक शाहीले प्रतिबद्धता गर्नुभएको छ । गाउँ पालिका केन्द्र रहेको पादमघाट बजारमा तत्कालै कार्यालय स्थापना गरेर नागरिक समाजले गतिविधि थालनी गर्ने उहाँको भनाइ छ ।
नागरिक समाज कालिकोटका संयोजक मल्लले स्थानीय स्तरमा भएका हरेक खाले विकृति र विसंगति विरुद्ध डटेर अघि बढ्न सबै पदाधिकारीलाई जोडदार निर्देशन दिएका छन् ।