कालिकोट /अछामको रामारोशन गाउँपालिकामा कैलाश खोलाको बाढीले बगाएका १७ जनाको विवरण प्राप्त भएको छ । मंगलबार राति आएको बाढीले रामारोशन गाउँपालिका–५ सैनिबजारबाट बगाएका १७ जनामध्ये ७ जनाको शव भेटिएको गाउँपालिका अध्यक्ष झंकरबहादुर साउँदले जानकारी दिए ।
उनका अनुसार गाउँपालिकाको टोलीले २ जनाको शव भेटेको र प्रहरीको उद्धार तथा खोज टोलीले ५ जनाको शव भेटेको छ । शवको पहिचान भइसकेको छैन । बाढीले नदी किनारमा रहेका १६ वटा घर बगाएको छ । क्षतिको पूर्ण विवरण अझै नआइसकेको प्रहरीले जानकारी दिएको छ। बाढीले सखाप पारेको सैन बजार बगर बनेको छ ।
कालिकोटको रुप्सामा चार बेपत्ता
कालिकोट जिल्लाको नरहरीनाथ गाउँपालिका ५ मा पर्ने चाउथे गाउँमा पहिरो जादा चार जना बेपत्ता भएका छन । चाउथे गाउँमा माथि बाट पहिरो जादा १२ घर मध्य दुइ घर पुर्णरुपमा क्षेती ग्रस्त भएका छन । गाउँ माथिबाट आएको पहिरोले घर बगाउदा दर्जनौ पशु चौपाया समेत मरेको र ठुलो धनमालको क्षेति भएको नरहरीनाथ गाउँपालिका ५ का अध्यक्ष गगन फडेराले पुष्टी गरेका छन ।
गाउँमा माथिबाट पहिरो जादा चन्द्र सहकारी र तुल सहरकारीको घर भत्कीदा चार जना बेपत्ता भएको नरहरीनाथ गाउँपालिका ५ का वडा अध्यक्ष तथा गाउँपालिकाका प्रबक्ता समेत रहनु भएका गगन फडेराले जानकारी दिनु भयो । बेपत्ता हुनेमा वर्ष ६० का चन्द्र सहरीकारी र बुहारी पम्फा सहकारी, तुल सहकारीकी श्रीमती झिमु सहरकारी र उनका सात वषर्का छोरा रमित सहकारी बेपत्ता भएका छन ।