कालिकोट । यस जिल्लाबाट प्रत्यक्ष निर्वाचित संघीय संसद प्रतिनिधिसभा सदस्य दुर्गवहादुर रावतले शुभकालिका –२ भर्तामा निर्माण गरिएको दुइकोठे सामुदायिक स्वास्थ्य इकाइ भवनको उद्वाघाटन गर्नु भएको छ ।
निर्बाचन क्षेत्र पूवाधार विकासका योजना अनुगमन गर्न शुभकालिका पुग्नु भएका संसद रवतले उक्त दुइकोठे भवनको उदघाटन गर्नु भएको नेकपा प्रदेश कमिटि सदस्य लक्ष्मीप्रसाद चौलागाँई शैलेन्द्रले जानकारी गराउनु भएको छ ।
शुभकालिका गाउपालिका २ का वडाध्यक्ष मनवहादुर शाहीको अध्यक्षतामा आयोजित भवन उदघाटन कार्याक्रमका प्रमुख अतिथि समेत रहनु भएका ंसंसद रावतले जनताका समस्याहरु समाधान गर्न आफू जस्तोसुकै चुनौती मोल्न तयार भएको वताउनु भयो ।
कार्यक्रममा नेकपा प्रदेश कमिटि सदस्य एवम शुभकालिका इन्चार्ज भरतराज धिताल,,सल्लाहकार समिति संयोजक धिरबहादुर बम, नेकपा कालिकोटका सचिवालय सदस्य कृष्णप्रसाद आचार्य लगाएतको उपस्थिति रहेको थियो ।
