प्रतिभा ऐडि,कालिकोट । लगातार अविरल वर्षापछिको पहिरोले अवरुद्ध भएको कर्णाली राजमार्ग बिहीबारसम्म खुलेको छैन ।
कर्णाली राजमार्ग अन्तर्गत सुर्खेत जुम्ला सडक खण्डको कालिकोटको पिलिमा पहिरो हटाउन नसकेपछि अवरुद्ध सडक खुल्न नसकेको हो । सुर्खेतदेखि कालिकोटसम्मको सडक खण्ड भने बुधबारबाट गाडी सुचारु भएको जिल्ला ट्राफिक कार्यालय कालिकोटले जनाएको छ ।
कालिकोट जुम्ला खण्डको पिलीमा ठुलो पहिरो गएकाले तत्काल राजमार्ग खुल्ले अवस्थामा नरहेपनि पहिरो खुलाउने प्रयास जारी रहेको प्रमुख जिल्ला अधिकारी कृष्णप्रसाद आचार्यले वताउनु भयो ।
बुधबार बाटो खुलाउनका लागि प्रमुख जिल्ला अधिकारी सहित नेपाली सेना, नेपाल प्रहरी, स्थानीय लगाएतको टोलि पहिरा गएको स्थान खाँडाचक्र नपा ७ पिल पुगेको थियो ।
राजमार्ग अवरुद्ध भएपछि जुम्ला,मुगुका जिल्लाको महावै,तिलागुफा लगाएतका ठाउमा आवतजाव गर्न समस्या भएको छ ।
पहिरोले सोमबार राति एक घर भत्किँदा महाबै–७ राम्नीकी १८ वर्षीया स्मृति अधिकारीको मृत्यु भएको छ । सोही घरभित्र सँगै सुतेकी उनकी १५ वर्षीया बहिनी इशानी अधिकारी घाइते भएकी थिइन ।
यस्तै पहिरोले सोही गाउँका पाँचवटा घरहरु भत्किनुका साथै २५ घर जोखिममा रहेपछि बिहीबारसम्म स्थानीय राम मावि राम्नी र स्वास्थ्य चौकीको भवनमा विस्थापित अवस्थामा छन् ।
वर्षाले खाँडाचक्र नपा– ८ दशला गाउको माथिल्ला टोलका १८ पहिरोको उच्च जोखिमा रहेपछि घरपरिवार नजिकैको मल्लटोलमा विस्थापित भई बसिरहेका छन् ।
त्यस्तै, वर्षाले कर्णाली नदीमा बाढी आउँदा कर्णाली करिडोर जोड्न जितेस्थित कर्णाली नदीमा रहेको फेरि बगाएपछि कर्णाली करिडोरमा पनि गाडी लैजान कठिनाई भएको छ ।
