सुर्खेतः नेपाली कांग्रेसका युवा नेता महासमिति सदस्य नारायण प्रसाद भट्टराईले पार्टीको आसन्न १४ औँ महाधिवेशनमा केन्द्रीय सदस्यमा उम्मेदवारी दिने घोषणा गरेका छन् । लामो समयदेखि कांग्रेसको राजनीतिमा सक्रिय भएका भट्टराईले यस पटक आफू केन्द्रीय सदस्य पदको उम्मेदवार हुने बताएका छन् ।
कालीकोटबाट महाधिवेशन प्रतिनिधिमा सर्वसहमतिमा चयन भएका भट्टराईले पार्टीका नेता र साथीहरूसँग छलफल गरी केन्द्रीय कार्यसमितिमा बसेर पार्टीको भावी कार्यदिशाबारे योगदान गर्न सक्छु भन्ने उद्देश्यले उम्मेदवारी दिने निधो गरेको बताए ।
नेपाल तरुण दलका पूर्व केन्द्रीय सदस्य भट्टराईले काँग्रेसलाई शुद्धिकरण सुदृढीकरण गर्नकालागि आफ्नो उम्मेदवारी रहने बताएका छन् । उनले भने, ‘मैले देशभर पार्टीका साथीहरूसँग छलफल गरेको छु । पार्टीको आगामी बाटोबारे उहाँहरुको अपेक्षा बुझेको छु । काँग्रेसलाई नयाँ बाटोमा लैजान म सँग प्रष्ट भिजन छ ।’ उनले थपे, ‘कार्यकर्ताको भावना र जनताको चाहनाअनुसार पार्टीको केन्द्रीय कार्यसमितिमा बसेर योगदान गर्न सक्छु भनेर नै केन्द्रीय सदस्यमा उम्मेदवारी दिने निर्णयमा पुगेको हुँ ।’ काँग्रेसभित्र बौद्धिक नेताका रुपमा चिनिन्छन् ।
यस्तो छ केन्द्रीय सदस्यका उम्मेदवार भट्टराईको राजनीतिक यात्रा
– विद्यालयमा पढ्दै गर्दा २०४६ सालको जनआन्दोलनमा सहभागी
– २०४८ ने वि संघको विद्यालय इकाइको सचिव
– २०५० नेपाल विद्यार्थी संघको जिल्ला समिति सदस्य,
– २०५१ नेपाल विद्यार्थी संघको जिल्ला समिति सचिव
– २०५२ नेपाल विद्यार्थी संघको जिल्ला समितिको कार्यवाहक अध्यक्ष
– २०५३ नेपाल विद्यार्थी संघको महाधिवेशन प्रतिनिधि
– २०५८ मा नेपाल प्रेस युनियन कालिकोटको संस्थापक अध्यक्ष
– नेपाल ट्रेड युनियन काँग्रेस कालिकोटको संस्थापक अध्यक्ष
– २०५९ मा नेपाल तरुण दलको केन्द्रीय सदस्य
– नेपाली काँग्रेसद्वारा गठित जनआन्दोलन २०५९÷६३ को तत्कालीन कर्णाली अंचल कमिटीको सचिव
– २०६१ मा तरुण दलको जनकपुरमा भएको तेस्रो महाधिवेशन बाट पुनः केन्द्रीय सदस्य निर्वाचित र २०६८ सम्म निरन्तर
– २०६९ मा पुनः केन्द्रीय सदस्य
– नेपाली काँग्रेसको १२, १३ र १४ औ महाधिवेशनको महाधिवेशन प्रतिनिधि तथा महासमिति सदस्य
– पार्टीको केन्द्रीय प्रतिनिधिका रुपमा धेरै जिल्लामा खटिएको
नेपाली काँग्रेस केन्द्रीय सदस्यमा भट्टराईकाे उम्मेदवारी घाेषणा
