सुर्खेत,/कर्णालीमा बुधबार थप ४८ जनामा कोरोना संक्रमण पुष्टि भएकाे छ । प्रदेश अस्पताल/पशुपन्छी रोग अन्वेषण प्रयोगशाला सुर्खेतमा गरिएको परीक्षणमा ४८ जनामा कोरोना पुष्टि भएकाे हाे ।
संक्रमण पुष्टि हुनेमध्ये ८ जना स्वास्थ्यकर्मी, ४ जना सरकारी कर्मचारी, ७ जना नेपाल प्रहरी, ४ जना विद्यार्थी, दुई जना नेपाली सेना रहेका छन् ।
योसँगै कर्णालीमा कोरोना संक्रमित हुनेको संख्या ३ हजार २ सय ७६ पुगेको छ । बुधबार कर्णालीका बिभिन्न आइसोलेसन र अस्पतालबाट १७ जना संक्रमित निको भएर डिस्चार्ज भएका छन् । याेसहित कर्णालीमा कोरोना संक्रमणबाट निको हुनेको संख्या २ हजार ७ सय ३१ पुगेको छ ।