कालिकाेट / कर्णाली प्रदेशको पर्यटन मन्त्रीमा नेकपा माओवादी केन्द्रका सांसद वीरबहादुर शाही नियुक्त भएका छन् । मुख्यमन्त्री तथा मन्त्री परिषद् कार्यालयको सिफारिसमा कर्णाली प्रदेश प्रमुख तिलक परियारले उद्योग, पर्यटन, वन तथा वातावरण मन्त्रीमा नियुक्त गरेका हुन् ।
मन्त्रीमा नवनियुक्त शाही डोल्पा जिल्लाका हुन् । नवनियुक्त मन्त्री शाहीलाई प्रदेश प्रमुखको कार्यालयमा प्रदेश प्रमुख परियारले सपथ खुवाएका छन् । २०७८ माघ २३ मा पर्यटन मन्त्रीमा नियुक्त भएका हुम्लाका गैरसांसद छिरिङ डम्डुल लामा (कार्चेन) को पदावधि यहीँ साउन २३ गतेखि सकिएपछि शाहीलाई नियुक्त गरिएको हो।