डिल्लीप्रसाद चौलागाई
कालिकोट, फागुन २९
इन्सेक कालिकोटको आयोजनामा शनिवार जिल्लाको खाँडाचक्र नगरपालिका वडा नं. १ को हलमा आवासको अधिकार सम्बन्धी सरोकारवालाहरु बीच अन्तरक्रिया कार्यक्रम सम्पन्न भएको छ ।
नेपालको संविधानको धारा ३७ मा आवासको अधिकार सम्बन्धी हक भएको जानकारी गराउदै आवास नहुने र घरवास समेत नहुनेलाई आवासको अधिकार हरेक नागरिको नैर्सगिक अधिकार भएको कुरा अन्तरक्रिया कार्यक्रमका अध्यक्ष तथा इन्सेक प्रतिनिधि कालिहादुर मल्लले जानकारी दिनुभयो ।
सोही कार्यक्रममा बोल्दै कार्यक्रमका विशेष अतिथि डिभिजन वन कार्यालयका प्रमुख जितेन्द्र महतले वन कार्यालय वाट हुने सहयोग आवास विहिन र आवास सम्बन्धी समस्यामा परेका जो सुकैलाई पनी कानुन बमोजिम हर तह र तप्का वाट सहयोग गर्ने बताउनु भयो ।
कार्यक्रमका प्रमुख अतिथि भूमि सम्बन्धी समस्या समाधान आयोग कालिकोटका अध्यक्ष धिर बहादुर बमले आवास नपाएका र घरवार विहिन सुकुम्वासीले अव आउने दिनमा कोही कसैले पनि दुख नपाउने र अव भूमि सम्बन्धी समस्या विस्तारै सहज हुदै जाने कुरा समेत जानकारी दिनु भयो ।
मानव अधिकार र मानिसले स्वतन्त्ररुपमा बाच्न पाउने अधिकारलाई प्रस्ट पार्दै अव आवासको अधिकार हरेक नागरिकले पाउने र आवास वाट कोहीकसैले पनि बन्चित हुनु पर्ने छैन, भन्दै अध्यक्ष मल्लले कार्यक्रमको समापन गर्नुभएको थियो ।
