कालिकोट । खाँडाचक्र नगरपालिका–७ को वडाध्यक्षमा बुधबार पुनःमत गणना हुँदा एक मतको अन्तरले फेरी पनि नेकपा(एमाले) सूर्य चिन्हका उम्मेदवार रजबहादुर मल्ल बिजयी हुनु भएको छ ।
वडाध्यक्षका प्रत्यासी माओवादी केन्द्रबाट गोलाकार भित्रको हसिया हतौडो चिन्हबाट उम्मेदवार दिपक कार्कीले २०७४ जेठ ५ गते भएको मत गणना चित्त नबुझेको भन्दै अदालतमा उजुरी दिएका थिए ।
जिल्ला अदालत कालिकोटले सोही मत गणनालाई सदर गर्ने फैसला गरेपनि उच्च अदालतले पुनःमत गणना गर्नु भनि फैसला सुनाएपछि उच्च अदालत जुम्लामा आज मतगणना भएको हो ।
कुल खसेको २ सय ९६ मतमा रजबहादुर मल्लले १ सय ४२ मत प्राप्त गरि विजयी हुनु भएको छ भने उहाँका निकटतम प्रतिद्धन्दी दिपक कार्कीले १ सय ४१ मत पाउनु भएको जिल्ला निर्बाचन कार्यालय कालिकोटका प्रमुख धनबहादुर मल्लले जानकारी गराउनु भएको छ । उहाँका अनुसार १३ मत बदर भएका छन ।
यस्तै पुन मत गणनामा दलित महिला तर्फका एमाले उम्मेदवार कुजी विकले पहिले पाएको मत भन्दा एक मत बढाएर १ सय ३८ मत प्राप्त गर्नु भएको छ भने माओवादी केन्द्रकी उम्मेदवार दाना विकले १ सय ३५ मत प्राप्त गर्नु भएको बताइएको छ । प्रतिभा ऐडि
खाँडाचक्र–७ को वडाध्यक्षमा फेरि पनि मल्ल बिजयी
